Pa de porte

LERKA/ Espace de Recherche et de Création en Arts Actuels, lé la pou done la min po dévlop la kréasion koméla, po amèn in sobatkoz isi La Rénion, dési tout sat i espass dann ron bann Zar dési la Tèr. Daborinn, pou mèt an avan bann lien kiltirèl nou nana èk bann zil Loséan Indien, èk bann péi la fé anou.
Nout fason-fé i toush tout domèn, kisoi po la kréasion (bann zar vizuèl, fonnkèr, mizik, téat), kisoi po la reshèrsh (listoir bann Zar, la sosiolozi, l’antropolozi). Lerka i tonm kom in laboratoire, i fé rankonte domoun, i fé fèr bann zespérianss, épisa i mèt anlèr nout kréasion ek nout manièr maziné.
Nout travay i rant an rézon dann dèvlopman la vil, porézon nou propoz bann zaksion èk sobatkoz po pouss pli loin Lidantité la vil. (en savoir plus…)

Nou lé in lantant i respèk la loi 1901, ek in l’obzèktif : mèt anlèr bann Zar koméla, bann zaksion kom sobatkoz, la reshersh, la kréasion, le konsèy, épisa la difuzion. Lerka i rouv son porte po bann zartiss, dann batiman La Vil Sinn-Ni, nout promié partenèr i prèt anou.
Pandan lontan, Lerka té rèss dann in lizine abandoné Jeumon Butor. Koméla, Dépi zilié 2009, nou lé instalé dann lansien Lékol Sin-Franswa, PK4.